ـــــــــ@*( مكتبه ابـــــوذيــات

[السلامــ عليكمــ
شلونكمــ شباب & بنات
هذا موضوعي الاول اهنا واتمنى يعجبكم

هو عباره عن مكتبه ابوذيات



الگلب شاجر على ابن امي وداوي
تضعضع وانهدم حيلي وداوي
لا مجروح حتى اگعد وداوي
ولا غايب واگول يعود اليه
عبد الامير الفتلاوي

يگلبي بيش اخيطنك ولحماك
ولا واحد شگف عنك ولاحماك
يجيك الضيم من دمك ولحمك
من اقاطعهم تلوم الناس بيه
عبد الواحد الهلالي

اشد الها تگلي الدهر واطاك
غرفلك هالكريم بحسن واطاك
لون ايدي تشل عليك والطك
اعلمك ما جره منك عليه

من مثلي تعذب من تمرمر
اشتحمل الدك يگلبي من تمرمر
تخطف گلوب بيدك من تمرمر
طريجك سلطة الباري عليه

تهزهز يا لحد وانفض ترابيك
وعزيز الروح هالنايم ترابيك
يباچر عيد وعيوني ترابيك
دضل بنومتك والنوح اليه
هاشم فليح - شطره

بس انه زماني وياي خوان
خلاني وحيد بغير خوان
وانتچلت على الصديق وطلع خوان
يحاول يسلب اهدوم العليه

ذلولي ما يجد للسير ضلعاي
انتحوا عني ومد البصر ضلعاي
شبه كسر الزجاج انكسر ضلعاي
بعد ما يرهم التجبير بيه

صوتي من نداي عليك ينباح
وسرنه لا تضن للغير ينباح
اتوده ليش يطلع چلب ينباح
تحذر لا يغدرك بالثنيه

احبابي شلون حالتكم بعدنه
اشبيدنه والوكت عنكم بعدنه
اچان انتم سلييتونه بعدنه
بذكركم كل صباح وكل مسيه

دليلي انزرف من الاه وانسه
شمشله يعرض ويه الخيط وانسه
يگلبي جوز عن اهواك وانسه
اشلون انسه وتصاويره بديه

عشرتك خوش للصاحب ويازت
الزواني لا تدك دكتك ويازت
فلانه من الخزي عفت ويازت
وتزيد انت عليهه القاط ميه

يحادي الضعن وين تريد ولميت
واخاف العزيز وياك ولميت
اچان اتريد وتولمت ولميت
بعد ماضل الك كل حك عليه

تجي بطروشنا طروشك حيينا
عزيز ومن تجي لينا حيينا
تموت انموت ومن تحيا حيينا
تصحا اصحا تمرض مرض بيه

حرت لا وين وجهي ووين مگفاي
على الخله دموع العين مگفاي
يگلبي لو احط الترف مگفاي
للمعشر ولا يصعب عليه

مسحت الدمع باليمنه ووحنت
ذكرته وضجت ضلوعي وحنت
الناگه تعلمت مني وحنت
مثل گلبي گلبهه انصدع هيه

شحم چلاي ذوبته من الحاي
وغدت سوده مراكبهه من الحاي
اجيت اتبع صفاينهم من الحاي
غدت شمس الضحى ظلمه عليه

المحبه ركزت بيه وعامات
وسهم الچبدتي تصابه وعامات
الي خالات خل يبچن وعمات
وعلي لاتطب تبچي الاجنبيه

لا عن طمع خاويتك وانه خواك
اطيحن باول صياحك ونخواك
ان چان انت خوي ليه انه خواك
ردتك للصدگ وانكتت بيه

الدنيا وياي زعلانه وانه الها
تبالي الدوم راعيهه وانه الها
وحگ سادة بني هاشم وانه الها
مگولن اخ لو تنجلب بيه

حلو لا مستوي حبي ولا ني
ولا عود اليسليني ولا ناي
العگد ضيج مفر مالي ولاني
دعلج ونفض ريشه عليه

ترف طولچ يعود الموز وانتي
ويشوكج بات بالدلال ونتي
يحكلي وياج اكظي العمر وانتي
جسم واحد وروح البيج بيه

وين اللي يصدر العيس لاميت
انشظى عگلي وعلي الناس لاميت
اريد اصبر واشوف الصبر لاميت
الصبر اثر اخزانه وعمل بيه

عيوني من سبب فرگاك حايات
مغذيني هواك اسموم حايات
اموت ولا اطلب من النذل حايات
علي بيت المرد عيني جويه

غريبه امها يصاحب وابهمنا
شعاع البدر خدها وابهمنا
انا ماريد عشره وابهمنا
عشرتك بالدقايق تمت بيه

حبيبي التين والزيتون وازهى
وشبه شجرة ربيع السنه وازههى
حضرها الواشي والنمام وزها
خله ابكل طويله نار السريه
عيدان

روحي والهوى ودنياي واعداي
لامتني جميع الناس وعداي
اريد اصبر واشوف شلون وعداي
واشوف العاقبه شصير بيه
عيدان

اعيونه گبل اشافه شتمني
ويعگلي الچان ثابت شتمني
انهجم بيتچ يروحي شتمني
تمنين الذي يصعب عليه

وين اللي يميز الحجي يزنه
نححجي زين يطلع شين يزنه
السله تريد ومن العنب يزنه
يصير اثنينهن يرحن عليه

عليك البس هدوم الحزن واحد
عزيز انت يهالنايم واليعز واحد
الناس تمشي وتودع نعش واحد
وانه ودعت خمسه وماردوا اليه
سامر

يوصفون العوارف شجر من شاف
على اطرافه يموج السيل منشاف
اكلنا التمر والغصن منشاف
ميت لا شاف شمس ولا وطيه
حسين الغالي

الدجى چلچل على جسمي وجله
انكشف رحل الصبا وجه وجله
عزت قدرة الباري وجله
خلق بلقيس وولفي سويه
حسين الغالي

وحك من صور الحاجب والعيون
لاجلك لاسكن البيده والعيون
وخزن جرح دلالي والعيون
يهلن كل صباح وكل مسيه

وحگ شفتين محبوبي وسنه
وعلى حالي بچت شيعه وسنه
لجر سيف الهجر لجلك وسنه
واحارب كل عدو يعاديك اليه

اريد اصبر وشوف اشلون وعداي
طحت بمرض مرض ايوب وعداي
اخبرك يا حبيبي گرب وعداي
البگه براسك هواك العم عليه

حسن يبني تلگه الضيف حي بيه
وعسى زاد الغديد سموم حي بيه
ياهو الجمع ماله وراح حي بيه
سعيد الحفظ عرضه من الرديه

اخوتك لا تعاديهم ومرهم
وطيع الكل ارادتهم ومرهم
همه الدوه لجروحك ومرهم
همه حزام ظهرك بالدنيه

سره ضعن الاوده بليل ياشال
ويرد سباح گلبي يرد ياشال
شوگع منه حبيبي وصاح ياشال
والنعم منه فلا تحصل رديه

وحك اللي وگفله الطير واحماه
ومن نحره يفوح المسچ واحماه
شفت حي دخل عالميت واحماه
كتل ربه ولا منه خطيه

وحگ اللي طعم للطير وذره
ومن نحره يفوح المسج وذره
شفت حي دخل عالميت وذره
كتل ربه ولا منه خطيه

لابد ما الك عالدار مرات
واخبرك بالليالي شكثر مرات
مو مره خنت وياي مرات
وعندك امل تعود اليه

اخوتي الچنت اودهم دوم يمناي
عگبهم ما تهوش اعداي يمناي
گمت اصفج يساري فوك يمناي
على ابن امي السره تحت الوطيه

غذاي الصبر والحنظل لهاماي
تشب النار من جدمي لهاماي
وين اليمله الجربه لها ماي
يطفي النار البگلبي السريه

همت بالبر يسار امشي ويامن
وراح المفرح كليبي ويامن
ويباجي العمر وين اگظي ويامن
گظيته بذل يلاهي التفت ليه

وحك راس النبي والحسن والحاج
وعلي نكبات دهري رواف والحاج
يشامت گوم شب نارك والحاج
وخلي شما يصير يصير بيه

علي دگي يوالدتي وناحي
ذبل عودي الچان يزهي وناحي
لا تفرح يهالشامت وناحي
افرح لو سره الجناز بيه

الدهر طگني بهامه ولاخر
صب دمع عيني ولاخر
صرت مثل العبرت واحد ولاخر
حالت بينهه وبينه المنيه

اشير على الرجال وعلي منشار
وضلعي ما يگصه اثنعش منشار
وين اطير وين تحط شركي عليك منشار
الزمك لو الك جنحان ميه

من سابگ تخالف شور منشار
واحنه اللي نگص بالجدم منشار
الحر مايلزمه الشرك منشار
يطير ولو حوه الجنحان ميه

يعت بيه الدهر مرات وانعيت
وعلى ضعون الجفتنه صحت وانعيت
يهل الطير البچيت الربع وانعيت
نعاك اللي نعاني اعلى الوطيه

انه الگايم لعد گومي ونخواي
وبيهم ما نفع صوتي ونخواي
الناس تلوذ باخوتهه وانه خواي
اگطعوا ما گطعت الشمات بيه

شربت التتن وانشبلي سعالاي
مريض ومحد امن اهلي سعالاي
نخيت امن الله والعباس سعالاي
زرگ رمحه ومرگ طيبه عليه

خذت عگلي يداحس واسره بيها
لذبهه بنار هجرك واسره بيها
شبه ست الزبيده واسره بيها
اغلطت ثاريها ليله العامريه

جرح گلبي يلاهي شوكت يلتم
جفو وصفيت مثلك يخي يلتم
لون نعرف شملنه شلون يلتم
وحياتي مطمع ولا بالدنيه

جرحي ما يفيده اخياط والشل
اخبرك يا حبيبي الدمع وشل
انه شبيدي اعلى الزعل يالليل وشل
شال وصبحت داره خليه

گلبي يلوع ما بطلت ونته
هلال العيد هل وراح ونته
يولف اصباي انه بذچرك دوم وانته
خايب بالوصل تبخل عليه

الدهر طگني ودعه بگلبي يراحاي
الدهر بدل دم السابج يراحاي
الدهر بالچ تامنينه يراحي
الدهر غدار وافعاله رديه

اخبرك حيل بيه بعد ماتم
عليك وبالگلب منصوب ماتم
شبابي وعز شبابك بعد ماتم
وخذك مني غفل سهم المنيه

سيوف الدهر بس وياي يارت
ومن وني جميع العرب يارت
عسى امي لا تلدني كون يارت
اولادة القهر اثرت عليه

اسألك بحضن الولف منام
بسبب واشي علي زعل منام
ربع الليل اليمر عليك منام
لا والوحش ديارك عليه

من دمعي رعاة ارتوت ونعاي
ومن وني انحنه الفولاذ ونعاي
يظل هذا ونيني عليك ونعاي
لمن يصفه الوكت وتعود اليه

القهر والاخ من صغري بدالي
وانه چم كاس الهنا دهري بدالي
لون تصير يا عاذل بدالي
تشوف شلون الام الدنيه

وحگ اللي انذبح بالطف وريده
احبه وبي الي رغبه وريده
اريد اصبر وخله وريده
اشوف شلون تاليته عليه

ناحل وامشي مكابر تراني
تراه الموت يدهاني تراني
واجلد خاف عدواني تراني
واگوه من يمر شامت عليه
ثويني العلي - شطره

بده وطر المنازل ياعلينه
عثر ونصيح كلحنه ياعلينه
على اهلك غيض ناچل ياعلينه
ادركني لا تشمت اعداي بيه

ردتك ذخر عد راسي وساده
وردتك سور للعيله وساده
وبعد لا تامن لمومن وساده
التشوفه حبل تراه راس حيه

ربي ليه القهر خصص وناله
الناس النعم سلوتها وناله
وكلمن اخذ محبوبه وناله
وانه نلته وفلت من بين اديه

بحياتي ما شفت ياناس راحات
اجيبن هاي كالو ذيج راحات
الليالي الماحسبت تروح راحات
اجتني الماردتهه تمر عليه

الهوى والله يذوب گلوب منصاد
وعمت عينه حبيبي بيوم منصاد
چنت صياد ماهر وابد منصاد
ولچن هسه انصدت غصبن عليه

هلا بالبيگ كل لسان ينشد
وبسمك كل حبل مگطوع ينشد
شگل للگصدني عليك ينشد
اگله مسافر لو درس تحت الوطيه

الدنيا شگد هم ودرد فيها
وسبعه وبس عليه ضاگ فيها
بناله دار يسكن عود فيها
ترك داره وسكن تحت الوطيه

يهالواگف على الازلال لاله
وخدك من شعاع الشمس لاله
لزمنه من الخدود وصاح لاله ( تغيير بالكلمات )
بثنيت اهلي وتمد ايدك عليه

ابه افركچن لما ادميچن يراحاي
بسبب كل حين تلچمن يراحاي
الچ ضنه بعد بيهم يراحاي
لو گطع النزاع وهاي هيه

اسألك عن عفيش البر بيادار
احصدوه وبيدروا منه بيادار
اانشدك عن ثلاث امسن بيادار
الگمر وسهيل والنجمه السريه

ملوم الناس حيل اوياي منداي
انادي ولااظن يفيد منداي
الك راي بدليلي راي منداي
عظيم وبالتوالي يعم عليه
جبار خضر - شطره

عسه لاطاب عيش الوكت بعداك
عزيز ولا علي بالهون بعداك
على الدنيا العفه ياصاح بعداك
جوار الدارسه وتبيد بيه
عبد الحسين حميدي - شطره

نكت بدعي دموع العين وتهل
وگظيت العمر بس حسرات وتهل
عادات البدور تغيب وتهل
غبت مالك يبدر الما تحيه
عبد الحسين حميدي - شطره

گصن ما زعزعن عزمي ولاذن
او بيه احتمت نكباتي ولاذن
اذا ناديت ماتسمع ولاذن
تبقن لا حياة اعله الوطيه
هاشم فليح شطره

هاگلي يصاحب بعد شملاك
تشتت وانجسم نصين شملاك
اشبگه عندي اشخله الدهر شملاك
ابطرگ روحي العزيزه وهاي هيه
نفسه

زماني حط الي عله يعله
ينزل الفوگ والواطي يعله
اود هسه العمر يگضي يعله
ولا عيش المذله يدوم اليه
نفسه

زماني ملته روحي وملها
جفاها وگطع رجواها واملها
المصايب صرت انه ابوها واملها
بعد ماظن سروري يعود اليه
نفسه

اشبصرك بالمصايب طبگ لو جن
احمدني ولاتلوم العگل لو جن
اذ الوجن تراني بسبب لوجن
الكرامه اودارهم ضلت خليه
نفسه

تعال وشوف كل اعضاي ماجن
وانه صبر وعگل ماجن
اخبرك بالليالي جفن ماجن
بعد هيهات عودتهن اليه
الحاج عوده - ناصريه

روحي الماتذل ابدن وتابه
اصبحت طوعك بماتامر وتابه
السماحه بين كفينك وتابه
اخذ عكلي ودوجها يرشد اليه
علي محسن الصفار - شطره

والليالي من ازمان حبالى ----- مثكلات يلدن كل عجيب
الدهر غادر لعند النذل حبله
گصه والتف على الطيبين حبله
الرزيه تعت صار سنين حبله
معسره ولا اضنهه تجيب هيه
فائق عبد سعدون - شطره

شبه جيد المها لو راد يلتاف
جفل وابعد ولا ظنيش يلتاف
حدي وياه لمن علي يلتاف
الچفن واتوسد تراب المنيه
علي محسن الصفار

يفز مثل الگطا كلبي منشفاه
وعلي الچان مشروبي منشفاه
عسه كلمن گطع شفي منشفاه
بمرض لا للشفا ولا للمنيه
شاكر حسن - شطره

گبل اديار خلاني لهاويد
مغبره او طير المنچر لهاويد
بعدهم لايلذ عيشي لهاويد
شيهودني وناري سريه
حسين الهلالي -شطره

دوري بلهوة الحسرات يرحاي
بعد ماشوف دهري ابفرح يرحاي
نزف من حين فركاكم يرحاي
عبيط ونار دلالي سريه
عبد الواحد الهلالي - شطره

تلوب الروح عيب ادري شملها
تون ولا فرح ساعه شملها
مته يلتم بعد فرگه شملها
وتعود الها لياليها الزهيه
نفسه

من خدك اشمن دوم ورداي
ومن ريجك يحلو الريج ورداي
ابليل اشفاي اذب غطاي ورداي
السبب لن نارك بگلبي سريه
نفسه

يحادي اضعون ساهي العين مرهان
نودع اللي بلب الگلب مرهان
شفت حلو الليالي وضگت مرهان
مثل يوم السرو ما صار بيه
عبد الحسين حميدي - شطره

ابضعن هجرك يناهي اليوم ماريت
اسلبت عگلي ولعند الريح ماريت
شفت كثرت مصايب ابد ماريت
مثل هذا مصابك فتك بيه
صاحب علي حلاق - شطره

الدهر ظالم على الانسان لا جار
ما يرحم بنون احشاه لا جار
لا منهم صديج الفزع لا جار
ولامن راضع وياهم سويه
جواد كاظم - شطره

اشلون ايام دهري وياي هايت
ابحزن وانه من الشمات هايت
اصيح ولا صديج يگول هاييت
معا الشامت وگف ينظر عليه
نفسه

اگظي الليل الك يا ترف منطار
عليكم والگلب نصين منطار
ماشوف طير ارتفع منطار
يطير شما يطير ارضه الوطيه
جبار خضر - شطره

يخي بس بالمصايب ولعيانه
والنوايب علي دارت ولعيانه
اخذ دهري عزيزي ولعيانه
وشعر من هاي حبله التف عليه
نفسه

عفاني وثگل اجدامي وهمها
ابو النكبات دلالي وهمها
يبويه انت خلصت منها وهمها
كورته وبگه داير عليه
هاشم فليح - شطره

دمعتي صلت خدي من يرتبه
العگل بالراس غيرك من يرتبه
رزيتي مثل يوسف من يرتبه
على يعكوب وانه اعظم رزيه
مطشر شليح - شطره

علامك ياجفن ما بطل وشلاك
افضحتني يصير اكظلك خيط واشلاك
دبس امن الرشيح ابعد واشلاك
المضه ماضن يعود النوب اليه
علي موسى حشيش

يخي والله المصايب لذعني
ابدليلي يوم شخصك لذعني
ابد ماشوف شامت لذعني
مته تحضر يطيب النوم اليه
عبدالله چكچ - شطره

نحولي عم على جسمي وراكيت
فرح مادام الي دمعي وراكيت
احبابي جيت لحماهم وراكيت
ردتهم عون اجوني ويه السريه
هاشم فليح - شطره

علامك يا عگل صابك شراكاي
اشمريد انهض على داير شراكاي
احبابي الچانو ابهمي شراكاي
گطع بيهم زماني وخان بيه
نفسه

يحادي روعت گلبي بلحداي
ويخايب لفني وياهم بلحداي
اون طول الدهر حتى بلحداي
السبب شالوا وخلوني شجيه

حادي الليل حده ياليل ولاون
ابحداهم مادريت المن ولاون
احاه ما اگول من جرحي ولاون
چيف ادواي عد شمات اليه

عگب عينك يخويه الحال ما حال
شبت والشيب وكته بعد ما حال
روض الماشوفك بيه ما حال
ربيع يصير من تجبل عليه
حمدي الحمدي

مُر وكتي بعد ما چان حالاي
وسيل النزل بالدار حالاي
تعال انت يحمدي وشوف حالاي
وشوف النايبه الحلت عليه
ابو معيشي - سوق الشيوخ

حادي البين وين يريد حده
اخذ مني اليجزي الخصم حده
يشامت حيل سيفك علي حده
طريح وصح الك معراض بيه
ملا نعيم - الحي

علي صنف جيوشه الدهر وحدات
ولجل چتلي سيوف اسكرت وحدات
مدام اضعون اهلنه سرت وحدات
بگالنه بدارهم ذله واذيه

روحي خلافكم محد حملها
نشيطه ونهضت وشالت حملها
راح الچان بالكلفه حملها
وگطع بيها الزمان وخان بيه

احا بيوم المفارگ وعلمه
من اذكرنه ايطيح من چفي واعلمه
اليناشدني شگله وشراح اعلمه
اختنگ وحجايتي تصعب عليه

عفاني شلون الي مهجه والي روح
اداوي بالعلل كلها واليروح
لااني بحال من يبگه واليروح
ابحالك يلگطعت الوصل بيه
السوگ

عليك الروح ما يبطل ولمها
وغيرك بعد ما تلگه ولمها
اريد اجمع دموع الحب ولمها
وطفي النار البگلبي السريه

يدكتور ما تجس روحي شبيها
ولهيب النار بجفاهم شبيها
ابد ما ياجد لولفي شبيها
يهل دمعه ويگلي البيك بيه

صديج اللي توده مرعلينا
اجه والگه وكتنه مُر علينا
مره النه الليالي ومرعلينا
يگلبي لا تجيك المهضميه

اوجه دعوتي لربي مردها
طالت والقهر روحي مردها
اظعون الساگها الحادي مردها
تگفاها نذل وشلون بيه

كل ساعه بسهم روحي خللها
وهسه انكشف للشامت خللها
امس چان البنادكها خللها
اليوم اتنادم على الشجيه

چثير اصحاب اللي عديت واخوان
كل منهم جمره الدهر واخوان
ليالينا الجفن للغير واخوان
وانه بسهم الردى يرمن عليه
عبد الحسين حميدي شطره

وحك من نزل القران ونده
وروحي من ليالي العسر ونده
اريد امشي لداحي الباب ونده
بلكي يعودلي الغايب عليه

ايا عمري الگظه ولا شفت راحات
اعظ بشفاي حيل صفگت راحات
افراح الماحسبت تروح راحات
اجتني الماردتهه بسهم المنيه
جواد كاظم - شطره

العبره مكسره والدمع ماسال
جلد والحد مني دوم ماسال
اخوي اليوم زلت الوكت ماسال
مته ينفع اگولن اخو ليه
عادل صغير - شطره

روحي من جفاكم عله بيهه
شور اليسري عليكم عله بيها
ونخيت انه الاهي عله بيها
يحفظولي العزيز من الاذيه
نفسه

اون ولا نمت بالليل ساعه
بسبب همي بجميع اعظاي ساعه
وحدي اولا اخو الوياي ساعه
حتى ابني جفاني وشح عليه
الاحواز

ملوني الاهل من نوحي واليناب
اصيح ولا اخو الجاوب واليناب
العليهم چنت الي شرها واليناب
همه والدهر صاروا عليه
الاحواز

يشيال النعش بالنعش وني
اخوي واريده يسمع زين وني
الناس امعيده بالعيد وني
على ابن امي اظل انصب عزيه
الاحواز

يعاذل لا تعذل النفس خلها
ويعلها تموت بعد فراگ خلها
لزم ايدي الطبيب وصحت خلها
المرض وسط الگلب ماهو بديه

صعوبه لو جبان عليك يوله
يدوس ويلعب اعلى جلاك يوله
الدنيه لو معزه وشرف يوله
لو موت اليخلصك جيد نيه




3- الزهيري



يا ماخذ من الكمر خديدك من غزال
البر أخذت أللحض وي خصرك المنغزل
حاير بوصفك شكول من شعر من غزل
تمنيت عندي جنح فوك السمة واركبة
وانطر خيالك وظل طول العمر اركبة
حق اليلوم الكلب ما شاف ذيج الركبة
ولا شاف شعر من خيوط الشمس منغزل





شوكت وياك ياولف الجهل نصفي
واحنة برد الشتة من حبكم نصفي
صرنة باحرالشمس وانتة صرت نص في
من حيث نارك بلب حشاي وعماها
اني المساري عليكم دوم وعماها
ان جان همك صعد على عين وعماها
من كثرهم الجسم صابوا شلل نصفي



ممنوع عني الفرح مامرني بس الهم
عزاز يومن مشو مانحت بس الهم
اطحن بجمر الغظه هامات بس الهم
يبقى عدهم رسم لاوالذي انزل
محكم كتابه وابد عن دربهم منزل
دفان گبلن تحط اللبن بس انزل
اطبع بشفتي على الخدين بوسه الهم





يا منبع الجود يا بحر الندى ما شفت
صديت عني وعلى كل الاعادي شفت
تميت حاير بأمري وبس اعض الشفت
وبقيت ااداري الاناذل وصفك الراحات
وتلومني يا فتى كيف اصفج الراحات
كلت اترك الراح بلكي اكسب الراخحات
زاد العنى بالترك ما يوم راحه شفت






خيم علينا الفكر من بوش جا غازي
بانزين ما يلتكه لا كاز لا غازي
وطيور بيها بله لابيض لا غازي
ولا صوصي ينقر بعد لاديك لا وزة
والوجبة ضلت اسم لاجاي ابو الوزة
اجمع سجور وحطب لتنوركم وزه
لئن رجعنا بوش النذل لعهد الملك غازي






ياصاح كلبي بغيرهم ابد ماهوى1
بلب الحشا وهم النشمهم هوى2
حيث السلب مهجتي اسمر مرومح هوى3
يتاجر بحبي وطلع ودعاني شبه الفحم4
يهلن اعيوني دمع مثل الطفل ليفحم5
اللي صبغ هالكلب ودعاه جنه فحم6
خلوني بس اسئله يعرف العشك والهوى7





سهام سهام رمت لب العقل شيماء
وعاجبني فوك اللحظ يا منيتيشيماء
امي امشي بزودج مثل الجبل شيماء
وارمي بطرف اللحظ عالينظرون سهام
عيني تسوين كل الخلك ومن الاموال سهام
ولو خيروني بمنى ونادية وسهام
كلبي علية يحكم ماريد بس شيماء






طيف العزيزين كل غيبه شمس ياعيد
من يوم شالو غفاهم وحادهم ياعيد
هم ذبلوك على سنين الهجر ياعود
بين عليك جثير الشوك من لونك
وبنار حبهم مع الغربي يملونك
جانو احبابك يخايب مايملونك
ياعيد علش اگبلت من دونهم ياعيد






لو يرهم نگول بالمرسال عن الهم
انو دليلي بنار الشوگ عن الهم
حسيت جسمي ورة المچفين عان الهم
وانو الحوادي تشومل عالرحيل وعيد
وناديت ياسامعي گصر شويه وعيد
الناس تضحك فرح لو مر عليهه العيد
واني دليلي صباح العيد عن الهم








ملعون كلمن رضخ للأجنبي وغراب ( غربه)
مالو نكر ملتو واصبح مع الاغراب
تبقى شمسنا ضحى شما مر عليها غروب
وتبقى الشجاعه سما معدوده بسمانا (اسمائنا )
وتبقى العراقه الاصل تلگاها بسمانا
احنا جبال الارض عالين بسمانا (السماء)
وگلي شظر الجبل لو حام فوگو غراب






النـاس في راحتـةٍ وانا في شقـا وامْـرارْ

والماي يصبح بريجـي به مَـرار وامْـرار

ما طيـج انا الـزاد به بعد الحـلاة امـرار

يا متلـف الـروح يلّـي ما بحالـي شَعَـرْ

شمتـان في بلـوتي من يوم غنّـى وشعـر

الراس صـابه صـداع وما بُقـى بهْ شَعَـرْ

يا أهـل الوفـا بس قولولـه يمـر امـرار







من عاب عابـوه فـي نسْبـه وفـي حسْبـه

العيـب في داخلك ياشيــن بـس حِسْ بـه

عيبـك عـدد شعـر راسـك عـدّده حِسْبـه

منتـه مـن اللـي غـدا للمـرجلـه كسَّـاب

أصـلـك رديٍّ ولا انـت بـالكـرم كسَّـاب

ومن يسمـع السب ويرضى هو ترى كسَّـاب

قالـو بالامثـال كـل حسبــه ولها حِسْبـه







قلبـي دعيتـة من الفرقــا كمــا منخـل

والكبـد ذابـت تقـول امطلّعَــهْ من خـل

ماكـو خليـلٍ مـرض الاّ جِفــا من خِـل

عذّبتنـي يـا مليــح الــزول و الوقفـه

يازيــن زولـك اذا هــو اقبـل او اقفـه

خُبـْري بـك العــام اذكـر ليلـة الوقفـه

واليـوم دارت سنـه وعقلـي غـدا مِنْخـل

************


لـه معـدنٍ كالذهـب زلات مـا ظـن لـه

يا زيـن مستقبلـة ويازيـن مـاضـنٍ لـه

واضح وضـوح العَلـَم لـو تِهْـتْ ماضِلّـه

كريم نفـس وبطـل وقـت الفعـل ماضـي

يأبى المهانـة جـزوع بحاضـر وماضـي

فعـل الرجـال افعلـة و بخطتـة ماضـي

أبصم بعشـري وغيـر العشـر ماضٍ لـه




عشـريـن عـامٍ اقـيّـد بالليـالي وَعِـدْ

يا عونـة الله تـرى وعد الحرايـر وَعـدْ

يا ما شـربنـا زلالٍ من شفـاكـم وعِـدْ

عشـريـن عام أتحـرّى قبْلتـك لي تهـل

مثـل الذي ظامـيٍ ينطـر مـزونٍ تهـل

انظـر نجوم السمـا ودمـوع عيني تهـل

واقـول يا يوم جيبـه لي سـريـعٍ وعَـدْ





ادعَجْ غَنَـجْ غَضْ بَضْ امْقرْمـزات اشفـاه

زار المريـض ويضـن بـزيارتـه اشفـاه

مـايـدري انـه مُحـبْ وفي شفـاه إشفـاه

يا زاير اعرف تـرى كل امرضـه باسبـاب

هجر وجفا منك مع حاجـب مهو بَـسْ بـاب

واصبح سجيـن وغـدا كالمنْربـط بسبـاب

وَلَّـتْ حياتـه وراحـت فرحتـه وشفــاه






يحتـاس بالـي وفكـري لامن اسْمِـكْ وَرَدْ

واهيـم هـومات وبابـكْ رايـحٍ لـه وَرِدْ

مثـل الـذي يلعـب اللعبـات صَـدٍ وِرَدْ

عِقْـب الوفـا والوصل حطيت لي حاجِـبْ

عافت عـيوني الكرى ومن الاكل حاجـب

ياناس ما صـار عيـنٍ تِعـتِـلي حاجـب

فـن كِنْت انا مرْ فالحنضـل اصـوله وَرِدْ







انتـم ترهمـون لي وانـا لكـم مـرهـم

ارهـم مع اللي لجرحي بلسـم ومـرهـم

وأرهـم معَ اللي يْتشـرَّه ليش ما مُـرهـم

وأرهـم مع من فقـدنـا سـاعـةٍ مَـرنا

وأرهـم معَ اللي يشـارك حلـونا ومُـرنا

وأرهـم مع الابتسـامـه وكِلْمِتـه مـرنا

ولا منّي مـرّيت يعاتبنـي بَعَدْ مُـرْ هَـمْ





أهـل الوفـا وين غابـوا واختفـى ظلهـم

تمّيـت ادوّر نزلهـم بس ذكـر ظـل لهـم

بالامـس ما جد عنـاهـم واحــدٍ ظلهـم

مـن البعـد دوم بس تسمــع فناجيلهــم

أهـل الشهامات راحـوا وانفنـى جيلهــم

يا مـالك المـوت اطلبنـي فنا جـي لهـم

يطيـب لي قربهـم واسعـد بمـاضٍ لهـم






كلنـا مزاييـن وانـا بينهــم كحلــه

كًحّلْ لـي الكـاس انا خرمانـةٍ كحلــه

لاتشوفنـي عقب كاس تقول ذيك احـلـى

الكـاس الاول يغيـر سُمْــرتي شقــرا

وتغور عيني ولا اعرف شَكْتِب او شَقْــرا

وانسى هلي ومنبتـي وْحْبَيْبِتـي شقــرا

دنيـا إتْـرَنـّق اراها صفـرتةٍ كحلــه





ضـاحي تشَـرّهت وما في الشره شي يبنـي

ضـاحي تعبـت بـربـاك وشـوف شيّبنـي

ضـاحي انـا معك شـي يهـدم وشي يبنـي

خلنـا نتفـاهم يا ضـاحي خـل يقـوم البنـا

الـوقـت مـا ينلحــق يالله تــرى ولبنـا

جــدّك لاجلنــا يعـاف إحْليْبتــَه ولْبِنـَه

مـا قـال ولّيـن إلهـالـدنيـا إشّيّـيبـنـي







أنصـاف الحلول مو كل حال فيها أنصـاف

والأثـلاث يا ذا الربـع ما تستوي أنصـاف

وما يطير طير إنّتف ما يطيـر الا إن صـاف

هيهـات مـا يجتمع حاضـر معـا ماضـي

مشعـاب في محزمك مـو خنجـرٍ ما ضـي

وسـمي مـا يلتفـت لا صـوّتـوا ما ضـي

وِرقيّـه مـا تلتفـت لا صـوّتـوا انصـاف


اتمنى ان تعجبكم