عراق اكسباير

عراق اكسباير

معقوله نموت بها لزمن كلنه

اكسباير بلدنه وكام يكتلنه

جاوبني بصراحه ولا تلف ودور

وماريدك تكلي الشيعه والسنه

هذا اقبح عذر ومبينه الاسباب

سعى الموساد والله بصنع هالفتنه

نقطلي الحروف وصحح الالفاظ

لغة صوت البنادق غير المعنه

عشناهه مناحه وجوع ياكل جوع

ونبيع بغراض البيت خلتنه

البوك من النفط بس الله يعلم بيه

وماكفاه...رد يبوك حصتنه

دول تسبق دول بس تخدم الانسان

ودولتنه على الفانوس ردتنه

يعزونه اليموت بكارثه من تصير

ولا دوله على هذا الصار عزتنه

جا وين الحكومه وبرلمان البوك

لاردنه العنب لا حته سلتنه

بس ردنه نعيش بأمن واستقرار

بطلنه المطالب اي وحك جدنه

بس رايد نفس اتنفس بهالكاع

لو غالي النفس صار على دولتنه

معقوله جهنم حطت ابغداد

وملك الموت ظل بس لينه يتعنه

بلدنه اجمل بلد واعظم بشر سكنوه

واكسباير صدك طلعت حكومتنه

يسلمووووووووووووووو على هذا الشعر اليجنن والله كلامك صحيح ويسلمووووو مرة ثانية على القصيدة الروعة

صدك والله حكومتنه اكسباير عشات ايدك حبيبي على هاي القصيده

ظلــــــــمــــــــنــــــــي الــــــــحـــــــب