عليكم جذب للشاعر حامد الغرباوي

عليكم جذب الكال اني مرتاح
ياراحة البلياكم تجيني
العطش ذبل شفافي وعافني وراح
متت لكن روني دموع عيني
شلون ارتاح واصبر يالبعيدين
وابد بفراكم ما نامت العين
اتمنى اني طير وعندي جناح
ياخذني وعليكم يوديني
ياراحة البلياكم تجيني
اذا ما اشوفكم شيفيد عمري
اذا اضحك دمع ضحكاتي تجري
كبل يمكم واعيش بنار الاشواق
يحالي شلون لمن صار الفراك
كل العاشقين ايامها افراح
وانا ع الخد تسيل دموع عيني
ياراحة البلياكم تجيني
تعالوا بعينكم شوفوني شلون
بعدكم ما غفت لحظات العيون
ليالي تمر علي كل ليلة ما انام
شوفتكم حلم صار وية الاحلام
اتمنى اني طير وعندي جناح
ياخذني وعليكم يوديني
شلون ارتاح واصبر يالبعيدين
وابد بفراكم ما نامت العين
اتمنى اني طير وعندي جناح
ياخذني وعليكم يوديني
يا راااحة البلياكم تجيني

» زغيره وما تعرف اتحب للشاعر فرات الشمري